বলীউডত পুনৰ বিচ্ছেদ! ফাৰ্দিন খান-নাতাছা মাধৱানীৰ ১৮ বছৰীয়া বিবাহ বিচ্ছেদ হোৱাৰ উপক্ৰম ঘটিছে (Fardeen Khan, Natasha heading for divorce after 18 years)। পাৰস্পৰিক সহমতৰ জৰিয়তে এই বিচ্ছেদ বুলি খবৰ পোৱা গৈছে। এবছৰতকৈও অধিক সময় ধৰি পৃথকে আছে এই দম্পতীহাল।
‘ন’ এণ্ট্ৰি’ৰ অভিনেতাগৰাকীয়ে মাতৃৰ সৈতে মুম্বাইত থাকে। নাতাছা পৰিয়ালৰ সৈতে লণ্ডনত আছে। কিন্তু কিয় এই বিচ্ছেদ? অৱশ্যে এই সন্দৰ্ভত মুখ খোলা নাই কোনেও।
আগষ্ট মাহত ‘ঘূমৰ’
আগষ্ট মাহত মুক্তিলাভ কৰিব কেইখনমান ছবি। তালিকাৰ প্ৰথম স্থানত আছে ছানি দেউল-অমিছা পেটেলৰ ‘গদৰ ২’ (‘Gadar 2’)। ইয়াৰ উপৰি আছে অক্ষয় কুমাৰৰ ‘OMG 2′, ‘Dream Girl 2’। অভিষেক বচ্চনৰ ‘ঘূমৰ’-ও (Ghummar) এই তালিকাত নাম সোমাবলৈ গৈ আছে। খবৰ অনুযায়ী, অভিষেক-ছ্যামি খেৰ, শ্বাবানা আজমী অভিনীত ছবিখন ১৮ আগষ্টত মুক্তি পাব পাৰে।
পুনৰ লতাৰ গান
৪৯ বছৰৰ পাছত লতা মংগেশকাৰৰ গীত (Lata Mangeshkar’s songs) পুনৰ শুনা যায় লণ্ডনৰ ৰয়েল এলবাৰ্ট হলত। সম্প্ৰতি তাত সুৰেৰে সজাই তুলিলে পলক মুচ্ছলে। তেওঁৰ কণ্ঠতেই দৰ্শকে কিছু কিংবদন্তি গীত শুনিব পালে। অনুষ্ঠান ‘সত্যম শিৱম সুন্দৰম’ শীৰ্ষক গীতটিৰে আৰম্ভ হয়। তাৰ পাছত ‘মোগল-এ-আজম’, ‘কভি কভি’, ‘দিলৱালে দুলহনীয়া লে জায়েংগে’, ‘মোহব্বতে’ আৰু শেষত ‘কভি খুছি কভি গম’।
