দেশৰ নাম ‘ইণ্ডিয়া’ নে ‘ভাৰত’ (India or Bharat) তাক লৈ বিতৰ্ক অব্যাহত আছে। জি-২০ বৈঠক উপলক্ষে ৰাষ্ট্ৰপতি দ্ৰৌপদী মুৰ্মুৱে আমন্ত্ৰণ জনোৱা নৈশ আহাৰ গ্ৰহণৰ আমন্ত্ৰণ পত্ৰৰ লিখনিৰ পিছতে বিতৰ্কৰ সৃষ্টি হয়। তেতিয়াৰ পৰাই বিভিন্ন মহলত প্ৰশ্ন উত্থাপন হৈ আহিছে। ইয়াত তাৰকাবোৰো অন্তৰ্ভুক্ত হৈছে। অভিনেত্ৰী কংগনা ৰানাৱটে নিজৰ মতামত ব্যক্ত কৰে। এইবাৰ অভিনেতা অক্ষয় কুমাৰে ৰাতিটোৰ ভিতৰতে নিজৰ ছবিখনৰ (Actor Akshay Kumar Film) নাম সলনি কৰিলে। তেওঁৰ আগন্তুক ছবিখনৰ নাম আছিল ‘মিছন ৰাণীগঞ্জ : দ্য গ্ৰেট ইণ্ডিয়ান ৰেচকিউ’ (Mission Raniganj: The Great India Rescue)। এতিয়া নাম সলনি (Change the name) কৰি ‘মিছন ৰাণীগঞ্জ : দ্য গ্ৰেট ভাৰত ৰেচকিউ’ (‘Mission Raniganj: The Great Bharat Rescue’) কৰা হৈছে।
অক্ষয়ৰ নতুন ছবিখনৰ প্ৰিভিউ মুক্তি পোৱাৰ পিছত ছবিখনৰ নাম সলনি কৰা হয়। টুইটত অক্ষয়ে নিজেই ‘ইণ্ডিয়া’ৰ সলনি ‘ভাৰত’ শব্দটো উল্লেখ কৰিছে। কেৱল সেয়াই নহয়, আগৰ টুইটটোও ডিলিট কৰে অক্ষয়ে। য’ত ‘ভাৰত’ৰ সলনি ‘ইণ্ডিয়া’ লিখা হৈছিল। অক্ষয়ে সেই টুইটটো পোষ্ট কৰাৰ পিছতে বহু লোকে প্ৰশ্ন উত্থাপন কৰে যে অভিনেতাগৰাকীয়ে কিয় পূৰ্বৰ টুইটটো ডিলিট কৰিলে। অৱশ্যে অক্ষয়ৰ পৰা এতিয়াও কোনো উত্তৰ পোৱা নাই। আনহাতে, তেওঁৰ সহ-অভিনেত্ৰী পৰিনীতি চোপ্ৰাই ‘ইণ্ডিয়া’ৰ কথা উল্লেখ কৰে। এই ছবিখনৰ ট্ৰেইলাৰ অহা ৭ ছেপ্টেম্বৰত মুক্তি পাব।
‘ইণ্ডিয়া’ বনাম ‘ভাৰত’ বিতৰ্ক সন্দৰ্ভত কংগনায়ো নিজৰ মতামত প্ৰকাশ কৰে। তেওঁ দাবী কৰে যে তেওঁ দুবছৰমান আগতে দেশৰ নাম সলনি হোৱাৰ ভৱিষ্যদ্বাণী কৰিছিল। ২০২১ চনত কংগনাই এক অনুষ্ঠানত কৈছিল যে ‘ইণ্ডিয়া’ নামটো এৰাই চলিব লাগে, আমি ভাৰতীয় আৰু আমাৰ দেশ ভাৰত। তেওঁৰ মতে ইণ্ডিয়া দাসত্বৰ প্ৰতীক। দুবছৰমান আগতে তেওঁ যি কৈছিল, সেয়া দেশৰ ৰাজনীতি এতিয়া পূৰ্ণগতিত চলি আছে। দুবছৰমান পূৰ্বে দিয়া বক্তব্যটো অভিনেত্ৰীগৰাকীয়ে নিজৰ এক্স প্ৰফাইলত পুনৰ পোষ্ট কৰে।
