শুকুৰবাৰে বিয়লি ভাগত খটখটি আৰক্ষীৰ নিয়মীয়া নাকা তালাচীত বোকাজান মহকুমা আৰক্ষী বিষয়া ৰুস্তম ৰাজ ব্ৰক্ষ্মৰ নেতৃত্বত খটখটী থাৰ অ’চি ৰমেন বৰদলৈ, চিআৰপি এফৰ দল আৰু থানা ষ্টাফৰ সহযোগত খটখতি আৰক্ষীয়ে এ এছ ০৫ চি ৪৮৪৪ নম্বৰৰ এখন যাত্রীবাহি বাছত তালাচী চলাই ইনছাছ ৰাইফলৰ তিনিটা মেগজিন আৰু ৬০ টা সক্রিয় গুলি AK-47ৰ তিনিটা মেগজিনসহ ৯০ টা সক্রিয় গুলি উদ্ধাৰ কৰাৰ লগতে আৰ পি এফৰ* *Rapid Action Forceৰ সাজ পোছাক, টুপী,মেডেল, বেংকৰ নথিপত্ৰ আদি উদ্ধাৰ কৰিবলৈ সক্ষম হয়।
এই সন্দৰ্ভত খটখটি আৰক্ষীয়ে যাত্রীবাহি বাছখনত যাত্ৰীৰূপে অহা দুই মাৰণাস্ত্ৰৰ গুলী সৰবৰাহকাৰীক আটক কৰিবলৈ সক্ষম হয়। আৰক্ষী সূত্রে জানিব পৰা অনুসৰি RAF জোৱানসকল ডিমাপুৰ ৰেলৱে ষ্টেচনৰ পৰা মণিপুৰ অভিমুখে যাবলৈ সাজু হৈ থকাৰ সময়তে ধৃত চোেৰ দুটাই মাৰণাস্ত্ৰৰ সক্রিয় গুলি থকা এটা বেগ লৈ উধাও হয়।
ধৃত মাৰণাস্ত্ৰৰ গুলী সৰবৰাহকাৰী দুটা হৈছে ক্ৰমে নগাঁও জিলাৰ চামগুৰি আৰক্ষী থানাৰ অন্তৰ্গত গেৰুকামুখৰ ভাৰ্গৱ বৰাৰ পুত্ৰ গগণ বৰা (23) আৰু একে জিলাৰেই ভেলৌগুৰিৰ প্ৰয়াত মতি উদ্দিন আহমেদৰ পুত্ৰ মহম্মদ টৌফিক আহমেদ (39)। বর্তমান খটখটি আৰক্ষীয়ে অধিক তথ্যৰ বাবে ধৃত চোৰ দুটাক জেৰা অব্যাহত ৰাখিছে।
