দেশী-বিদেশী পৰ্যটকৰ ক্ষেত্ৰত পূৰ্বৰ সকলো অভিলেখ ভংগ (Breaking records for tourists) কৰিছে কাজিৰঙা ৰাষ্ট্ৰীয় উদ্যানে (In Kaziranga National Park)। ২০২৩-২৪ বৰ্ষত এশিঙীয়া গঁড়ৰ বাবে বিখ্যাত ৰাষ্ট্ৰীয় উদ্যানখনলৈ অহা পৰ্যটকৰ সংখ্যা যথেষ্ট বৃদ্ধি পাইছে।
বিভাগীয় তথ্য অনুসৰি, ২০২৩-২৪ বিত্তীয় বৰ্ষত কাজিৰঙালৈ মুঠ ৩,২৭,৪৯৩ গৰাকী পৰ্যটকৰ আগমন ঘটিছে (3,27,493 tourist arrivals)৷ ইয়াৰে ভিতৰত ৩,১৩,৫৭৪ গৰাকী হৈছে দেশী আৰু ১৩,৯১৯ গৰাকী বিদেশী পৰ্যটক৷ আনহাতে, এই পৰ্যটকসকলৰ পৰা কাজিৰঙা ৰাষ্ট্ৰীয় উদ্যান আৰু ব্যাঘ্ৰ সংৰক্ষিত বনাঞ্চলে উপাৰ্জন কৰিছে মুঠ ৮,৮১,৮৪,১৬১ টকা৷
উল্লেখযোগ্য যে কাজিৰঙা ৰাষ্ট্ৰীয় উদ্যানৰ অন্তৰ্গত পূব অসম বন্যপ্ৰাণী সংমণ্ডলে ৩২,০৯৬১ গৰাকী পৰ্যটকৰ পৰা ৮,৫৯,৪৮,৩৫১ টকা, নগাঁও বন সংমণ্ডলে ৩,৪৮৪ গৰাকী পৰ্যটকৰ পৰা ৬২,৪০০ টকা আৰু বিশ্বনাথ বন সংমণ্ডলে মুঠ ৩,০৪৮ গৰাকী পৰ্যটকৰ পৰা ১৬,১১,৮১০ টকাৰ ৰাজহ সংগ্ৰহ কৰিছে৷
আনহাতে, ২০২২-২৩ বিত্তীয় দেশী-বিদেশী মুঠ ৩,১৪,৭৯৬ গৰাকী পৰ্যটকৰ পৰা ৮,৩৩,৮৫,৪৮৩ টকাৰ ৰাজহ সংগ্ৰহ কৰিছিল৷ ইয়াৰ তুলনাত ২০২৩-২৪ বিত্তীয় বৰ্ষত ১২,৬৯৭ গৰাকী দেশী বিদেশী পৰ্যটক বৃদ্ধিৰ লগতে ৪৭,৯৮,৬৭৮ টকা অধিক ৰাজহ সংগ্ৰহ কৰিছে৷
