ডিলাইত উদ্ধাৰ এটা মৃতদেহ (Rescue a dead body)। মৃতদেহ উদ্ধাৰক লৈ তীব্ৰ চাঞ্চল্য অঞ্চলটোত। শুকুৰবাৰে ডিলাই থানা (Dilai Police Station)ৰ অধীনস্থ নাহৰজান (Naharjan) টোলগে’টৰ কাষত ২৯ নং ৰাষ্ট্ৰীয় ঘাইপথৰ পৰা উদ্ধাৰ হয় অচিনাক্ত পুৰুষৰ এটা মৃতদেহ। ডিলাই আৰক্ষীয়ে উদ্ধাৰ কৰে মৃতদেহটো। ডিলাই আৰক্ষীয়ে জনোৱা মতে, প্ৰাথমিক অনুসন্ধানত জানিব পৰা গৈছে যে মৃত ব্যক্তিজন বিগত দুমাহ ধৰি উক্ত অঞ্চলটোত ঘূৰি ফুৰি আছিল। স্থানীয় এজন ব্যক্তিয়ে এই কথা প্ৰকাশ কৰে।
আনহাতে, তেওঁ মানসিকভাৱে অসুস্থ বুলি স্থানীয় লোকে সন্দেহ কৰিছিল। ইতিমধ্যে আৰক্ষীয়ে মৃতদেহটো উদ্ধাৰ কৰি বোকাজান দণ্ডাধীশৰ উপস্থিতিত মৰণোত্তৰ পৰীক্ষাৰ বাবে প্ৰেৰণ কৰিছে। আনহাতে, মৃত ব্যক্তিজনক চিনাক্তকৰণৰ বাবে মৃতদেহটো ৭২ ঘণ্টাৰ বাবে মৰ্গত সংৰক্ষণ কৰি ৰখা হ’ব বুলি আৰক্ষীৰ সূত্ৰত প্ৰকাশ।
