হাইলাকান্দি জিলাৰ আয়নাখালত সংঘটিত এক দুৰ্ঘটনাত স্থানীয় জ্ঞানজ্যোতি উচ্চ মাধ্যমিক বিদ্যালৰ এগৰাকী ছাত্ৰৰ লগতে ৫ গৰাকী ছাত্ৰ-ছাত্ৰী আৰু অ’টো চালক গুৰুত্বৰভাৱে আহত হয়। হাইলাকান্দিৰ পৰা লালা অভিমুখী AS 11CC 8597 নম্বৰৰ এখন তীব্ৰবেগী ট্ৰাকে AS 24C 3955 নম্বৰৰ এখন ডিজেল অ’টোৰ মুখামুখি সংঘৰ্ষ হয়।
এই দুৰ্ঘটনাত ইমদাদুল ইছলাম নিহত হোৱাৰ লগতে আহত হৈছে আন ৫গৰাকী ছাত্ৰ–ছাত্ৰীসহ অ’টোৰ চালক। আহত ছাত্ৰ–ছাত্ৰীসকল হৈছে ক্ৰমে ছাহাৰুল ইছলাম, তাহমিনা বেগম, ছুকৰিয়া বেগম আৰু ছাহানুৰ আলম। আন এগৰাকী গুৰুতৰভাৱে আহত ছাত্ৰৰ পৰিচয় এতিয়ালৈকে উদ্ধাৰ হোৱা নাই।
আহতসকলক ইতিমধ্যে সংকটজনক অবস্থাত শিলচৰ চিকিৎসা মহাবিদ্যালয়ত প্ৰেৰণ কৰা হৈছে। ইপিনে, ঘটনাৰ পিছতে স্থানীয় ৰাইজ আৰু বিদ্যালয়খনৰ ছাত্ৰ–ছাত্ৰীসকলে ৬ নম্বৰ ৰাষ্ট্ৰীয় ঘাইপথ অৱৰোধ কৰি প্ৰায় দুঘণ্টা ধৰি প্ৰতিবাদ কৰে।
এই প্ৰতিবাদৰ ফলতে ৬ নম্বৰ ৰাষ্ট্ৰীয় ঘাইপথৰ আয়নাখাল এলেকাত সৃষ্টি হয় তীব্ৰ যানজঁটৰ। পিছত হাইলাকান্দিৰ জিলা উপায়ুক্ত হিভাৰে নিসৰ্গ গৌতম ঘটনাস্থলীত উপস্থিত হৈ নিহত আৰু আহতসকৰ পৰিয়ালক উপযুক্ত ক্ষতিপূৰণ দিয়াৰ প্ৰতিশ্ৰুতি প্ৰদান কৰাৰ পিছতে ৰাষ্ট্ৰীয় ঘাইপথ অৱৰোধ মুক্ত হয়।
