কাৰ্বি আংলং জিলাৰ অন্যতম উৎসৱ হ’ল “হাছা কেকান”৷ উল্লেখ্য যে খেতি কাৰ্যৰ সৈতে জড়িত এই উৎসৱ৷ পশ্চিম কাৰ্বি আংলং জিলাৰ খেৰণি চাৰি আলিত যোৱা নিশা কাৰ্বি জনগোষ্ঠীৰ পৰম্পৰা লোক নৃত্য “হাছা কেকান” অৰ্থাৎ উৎসৱ উদযাপন কৰা হয় ৷
পৰম্পৰা অনুযায়ী জনগোষ্ঠীটোৱে পূৰ্বতে প্ৰতিখন গাঁৱত বা কিছু কিছু লোকে ব্যক্তিগতভাৱেহে এই উৎসৱ উদযাপন কৰিছিল ৷ খেতি কাৰ্যৰ সৈতে জড়িত এই উৎসৱ পথাৰৰ সোণ গুটি চপোৱালৈকে যাতে কোনো অপায়-অমংগলে জনগোষ্ঠীটোক গ্ৰাস কৰিব নোৱাৰে তৰেই পূজা-অৰ্চনা কৰা হয় ৷ লোক বিশ্বাস মতে উৎসৱটি পথাৰৰ সোণ গুটি বা পাহাৰৰ ঝুম খেতিৰ পকা সোণ গুটি চপোৱাৰ পাছত নিজৰ ঘৰলৈ লক্ষ্মীক আদৰি আনে৷
ই এক কাৰ্বি জনগোষ্ঠীটোৰ পৰম্পৰা পৰ্ব ৷ কালক্ৰমৎ ইয়াক বিশ্ব দৰবাৰৰ লৈ নিয়াৰ উদ্দেশ্যে কাৰ্বি কালছাৰেল ছ’চাইটী চমুকৈ কেচিএছৰ উদ্যোগত ইয়াক ক্ৰমান্বয়ে ৰাজহুৱা মঞ্চলৈ অনাৰ প্ৰয়াস কৰি আহিছে জনগোষ্ঠীটোৱে৷ যাৰ পৰিপ্ৰেক্ষিতত সাম্প্ৰতিক সময়ত দুই পাহাৰীয়া জিলাৰ বিভিন্ন ঠাই এই উৎসৱ ক্ৰমান্বয়ে কিছু বছৰ ধৰি চলি আহিছে৷
এই উৎসৱ বিশেষভাৱে নিশাৰ ভাগত উদযাপন কৰা হয়৷ সাম্প্ৰতিক সময়ত এই উৎসৱটি জিলাখনত সমাদৰ লাভ কৰাৰ পাছত ইযাক ৰাজহুৱাভাৱেও জাতি-ধৰ্ম নিৰ্বিশেষে জিলাখনৰ ভিন্ন ভিন্ন ঠাইত পালন কৰি আহিছে ৷ ইপিনে, যোবা নিশা খেৰণি চাৰিআলিত বিজেপি এছ টি মৰ্চাৰ উদ্যোগত পৰম্পৰা গীত-মাত আৰু নৃত্য পৰদৰ্শনেৰে “হাছা কেকান” অৰ্থাৎ লক্ষ্মী আদৰা যি পৰম্পৰা উৎসৱ সেয়া উলহ-মালহেৰে উদযাপন কৰে৷
