পাহাৰীয়া জিলা কাৰ্বি আংলং জিলাত নিষিদ্ধ ড্ৰাগছৰ বিৰুদ্ধে আৰক্ষীৰ অভিযান অব্যাহত আছে৷ আৰক্ষীৰ অভিযানত বহু পৰিমাণৰ ড্ৰাগছ জব্দ কৰে৷ প্ৰাপ্ত তথ্য মতে কাৰ্বি আংলং জিলাৰ মাঞ্জাত আৰক্ষীৰ তীক্ষ্ণ তালাচীত ৩০ টা চাবোনৰ বাকচত ৩৭৪ গ্ৰাম হেৰ’ইন জব্দ৷
উল্লেখ্য যে মাঞ্জাৰ থানাৰ ভাৰপ্ৰাপ্ত আৰক্ষী বিষয়া শ্ৰবন ইংতিয়ে গোপনে লাভ কৰা খবৰৰ ভিত্তিত এই অভিযান চলাইছিল৷ আৰক্ষীয়ে পশ্চিম কাৰবি আংলং জিলাৰ খেৰণিৰ যুৱক উত্তম কুমাৰ চৌহান আৰু চুমন দাহালক ঘটনাৰ সন্দৰ্ভত গ্ৰেপ্তাৰ কৰিছে৷ দুয়োয়েহ ডিমাপুৰৰ পৰা হেৰইনখিনি খেৰণিত বিক্ৰীৰ বাবে আনিছিল বুলি আৰক্ষীৰ আগত প্ৰকাশ কৰিছে৷
