খটখটী আৰক্ষীয়ে চলোৱা নিয়মীয়া তালাচীত নিষিদ্ধ কানিসহ দুজন লোকক আটক কৰে৷ শুকুৰবাৰে দিনৰ ভাগত খটখটী থানা অন্তৰ্গত এছ বি আইত নিয়মীয়া তালাচী চলোৱাৰ সমযত নিষিদ্ধ কানীসহ আৰক্ষীয়ে কানি জব্দ কৰাৰ লগতে লোক দুজনক কৰায়ত্ত কৰে৷
আৰক্ষীৰ সূত্ৰে জানিব পৰা মতে তালাচী কালত ডিমাপুৰ দিশৰ পৰা বোকাজান দিশে গৈ থকা পিবি ৬৫ এএন- ১২৭৭ নম্বৰৰ এখন ট্ৰাকত প্ৰায় ৪ পেকেট কানিৰ এপেকেট পপিষ্ট্ৰ প্লাষ্টিক উদ্ধাৰ কৰে৷ পেকেটটোৰ পৰা ২ কেজি ২৬ গ্ৰাম কানি আৰু ১৭৮ গ্ৰাম পপিষ্ট্ৰ আৰক্ষীয়ে উদ্ধাৰ কৰে৷ উক্ত কানিৰ লগতে পপিষ্ট্ৰখিনি ট্ৰাকখনৰ কেবিনৰ পৰা আৰক্ষীয়ে উদ্ধাৰ কৰে৷
ইয়াৰ লগতে খটখটী আৰক্ষীয়ে দুজন লোকক আটক কৰে৷ আটক কৰা লোক দুজন ক্ৰমে পঞ্জাৱৰ মোহালিৰ খাৰাৰাৰ বাদালি নিৰ্মল সিঙৰ পুত্ৰ গোৰপিত সিং (৫৫ বছৰ) আৰু আনজন পঞ্জাৱৰ জলন্দৰ জানডাইলা স্বৰ্গীয় হৰবঞ্চ সিঙৰ পুত্ৰ কোলৱেন্দ্ৰৰ সিং (৩৫ বছৰ)৷ আৰক্ষীয়ে ঘটনাৰ সন্দৰ্ভত তদন্ত অব্যাহত ৰাখিছে৷
খটখটী থানাৰ ভাৰপ্ৰাপ্ত আৰক্ষী বিষয়া সূৰ্য কুমাৰ বৰা, উপ পৰিদৰ্শক দেৱাসীস বৰা, গোবিন কাকতীৰ লগতে আন আৰক্ষীৰ সহযোগত উক্ত তালাচী চলোৱা হৈছিল৷ পাছত খটখটী আৰক্ষীয়ে বোকাজান মহকুমা আৰক্ষী বিষয়া ৰুস্তম ৰাজ ব্ৰহ্ম আৰু নিৰপেক্ষ স্বাক্ষীগণৰ সাক্ষাতত কানিখিনি জব্দ কৰে৷
