বিয়াৰ প্ৰতিশ্ৰুতিৰে ‘ধৰ্ষণ’ (Rape)। উত্তৰ প্ৰদেশৰ (Uttar Pradesh) এজন আৰক্ষী আৰু তেওঁৰ ভাতৃৰ বিৰুদ্ধে দলবদ্ধ ধৰ্ষণৰ (Gang Rape) অভিযোগ উত্থাপন হৈছে। বিয়াৰ বাবে হেঁচা দিয়াৰ বাবে আৰক্ষীজনে যুৱতীগৰাকীক ভাতৃৰ ঘৰলৈ লৈ গৈছিল আৰু তেওঁৰ মূৰত বন্দুক থৈ দুয়ো ভাতৃয়ে লগলাগি ধৰ্ষণ কৰে। ছাহাৰানপুৰৰ নিবাসী যুৱতীগৰাকীয়ে এই অভিযোগ আৰক্ষী অধীক্ষকক লিখিতভাৱে জনাইছ।
আৰক্ষীৰ সূত্ৰ অনুসৰি, উত্তৰ প্ৰদেশ আৰক্ষীৰ এজন কনিষ্টবলৰ এগৰাকী যুৱতীৰ সৈতে প্ৰেমৰ সম্পৰ্ক আছিল। কনিষ্টবলজনে বিয়াৰ প্ৰতিশ্ৰুতিৰে যুৱতীগৰাকীৰ সৈতে যৌন সম্পৰ্ক স্থাপন কৰিছিল। অভিযোগ অনুসৰি, যাৰ ফলত যুৱতীগৰাকী দুবাৰকৈ গৰ্ভৱতী হয়। কিন্তু বিয়া কৰোৱাৰ নাম লোৱা নাছিল। আৰক্ষী অধীক্ষকৰ ওচৰত দাখিল কৰা এজাহাৰত কিশোৰীগৰাকীয়ে কয় যে যোৱা ২৫ জানুৱাৰীত থানাত এই ঘটনাৰ খবৰ দিছিল। এই খবৰ শুনি অভিযুক্ত আৰক্ষীয়ে যুৱতীগৰাকীক ভুৱা বিবাহ শপতনামাত চহী কৰায়। ইয়াৰ পিছত তেওঁক চম্ভালিবলৈ ভাতৃৰ ঘৰলৈ লৈ যায়।
ছোৱালীজনীৰ অভিযোগ আছিল যে দুজন ভাতৃয়ে তেওঁৰ মূৰত বন্দুক ধৰি দলবদ্ধ ধৰ্ষণ কৰিছিল। মানুহে গম পালে তেওঁক হত্যা কৰা হʼব বুলি ভাবুকি দিয়া হৈছিল। হতাশ হৈ যুৱতীগৰাকীয়ে আৰক্ষী অধীক্ষকৰ ওচৰত লিখিত এজাহাৰ দাখিল কৰে। আৰক্ষীৰ তদন্ত আৰম্ভ হৈছে। অৱশ্যে এতিয়ালৈকে আৰক্ষীয়ে অভিযুক্ত আৰক্ষীক বা তেওঁৰ ভাতৃক গ্ৰেপ্তাৰ কৰা নাই। অতি শীঘ্ৰে অভিযুক্তক গ্ৰেপ্তাৰ কৰা হʼব বুলি আৰক্ষীয়ে জানিবলৈ দিয়ে।
